بدء مشروع تسمين
السلام عليكم انا مهندس هيثم
ارجو من اعضاء المنتدى مساعدتى في دراسة مشروع تسمين عجول
عايز أعرف تقريبا رأس المال المطلوب لو هبدأ بي ٢٠ رأس و عندي مكان ماجره في مزرعة، عنبر سعته ٣٠ عجل
أنا حسبت تكلفة الإيجارات والكهرباء و الدكتور المسئول عن التطعيمات والعلاج و المراقبة و النظافه
--لكن لسة بدور على أسعار عجل التسمين بي كام و أحسن وزن أجيبوا عشان يحقق أكبر ربح
-- و بياكل بي كام و أحسن أكل ليه
أنا لسة في البداية و أرجو المساعدة
شكرا
مواضيع مشابهة:
أنا كنت بأدور زيك وعرفت إن مفترض تشتري العجل فحدود من 150 الى 200 كوزن واسعاره فحدود ال 4500 فما فوق سعر الكيلو حوالي 26 ودلوقتي اكيد الاسعار زايدة .. وعرفت كمان إن معدل النمو المطلوب فحدود من ( 1.25 كيلوا في اليوم لحد 1.7 كيلو ) ودة حسب العناية والتغذية وعرفت ان الوزن بيتم كل 20 يوم ولازم تشوف معدلات النمو دي لو مثلا عندك عجل 150 بعد 20 يوم أصبح 180 معنى كدة ان معدلالنمو في اليوم 1.5 وبكدة هاتوصل للوزن المعتاد للبيع وهو 450 في خلال 200 يوم تقريبا واعتقد ان دة معدل كويس ( حد يفتينا من الناس الزراعيين ) .. صح اللي باقولة واللا باخرف
كمان التغذية المطلوبة بتتحسب حسب الوزن مضروف في 2% والناتج تزود عليه كيلوا يعني بفرض عجل وزنة 200 يحتاج ل 200 * 2% = 4 كيلو زود عليهم 1 = 5 كيلوا في اليوم ..
يعني لو على نفس معدل النمو اللي فات يطلع إن كل عجل محتاج حوالي 1300 كيلو الى 1500 كيلو في خلال المدة دي والله أعلم تشوف منهم كام علف اخضر وكام علف ناشف وتبن وتحسب التكلفة ... وتقولي كام
اللي اعرفة البرسيم الطن فحدود 285 وهاتحتاج قش رز وتبن مش عارف وصل كام حاليا الطن ... فياريت تشوف وانا مستعد أعملك ملف بالاكسل تقدر تغير فيه اسعار الاعلاف ومعدلات النمو .. وهو هايحسبلك التكلفة الاجمالية وامتى تقدر تبيع علشان ما تكونش خسران ... لان العجل بيتباع بالكيلوا فحدود 27 جنية و بيقولوا وصل ل 30 الأيام الي فاتت ( بس لو دة غلي يبقى تكلفة الصغير برضة هاتكون زادت بدل ما أنا كاتب 4500 اكيد تكون بقت أكتر ) والله اعلم
وبكدة تقدر تحسب لو جبت 20 بسعر 4500 كمتوسط يعني 90 الف وشوف ايجار فحدود كام ومياة كهرباء وهاتحتاج لهم علافتين ومسقى وعمال نظافة عيل وواحد كبير والعلاج والبيطري وكل دة .. واحسب كل دول خلال 6 شهور أو 7 شهور وضيف تمن العلف والنقل بعد كدة وشوف الصافي كام وقولي برضة .. لاني حسبت حسبه كدة والموضوع بايظ معايا خالص .. واضح ان الحكاية دي علشان تكسب لازم حد ادنى ال 20 راس دول ..
كمان خبطتها جامدة يعني الراس لو لا قد الله جرى لها حاجة تعيط جمبيها .. انما كل ما الكمية زادت كل ما كان احسن والمكسب يكون اكتر ..
شوف دة كلة اجتهاد مني والله اعلم .. حد بقى يكون ليه خبرة فعلية يدخل يفتينا .. بدل ما انا وانت قاعدين نفتي لوحدنا ..
بارك الله فيكم على هذا المجهود القيم
اقتباس